SALLOLI BIYAR NA YINI SUNA KARA LAFIYA MAI INGANCI GA JIKIN DAN ADAM.

SALLOLI BIYAR NA YINI SUNA KARA LAFIYA MAI INGANCI GA JIKIN DAN ADAM. 

Hakika Salloli biyar da mukeyi ayini a kowace suna  karawa dan Adam lafiya  da kuma kara  bude  masa  kofofin samu, bayan  ladar  da zai samu.
Sannan  kuma  Suna  karawa mutum  kusanci  gun  Allah da tsoronsa
1- sallar Asubah: tana karawa mutum kyan hali da kyan fuska
2- sallar Zuhur: tana kara budewa mutum kofofin samu.

3- sallar Asari: tana kara lafiya  ingantacciya a jikin mutum. 

4- sallar Magrib: tana rigewa mutum fargaba da damuwa a zuciya.

5- sallar Isha’i: tana sa mutum bacci  maidadi  cikin amincin Allah.

Allah kabamu ikon juriya  da jajircewa wajen yawaita ibadun Allah don neman  tsira da lafiya  ingantacciya.

KASHE-KASHEN AURE

                                                   KASHE-KASHEN AURE

Aure ya kasu kashi-kashi. Akwai auren soyayya; da auren tilas, da auren zumunta, da auren sadaka,  da auren ɗiban wuta, da auren dangana-sanda, da, auren gayya, da auren ɗiban haushi ko ɗiban takaici, da ɗiban tsiwa ko kece raini, da kashin ƙwarnafi, da sauran irinsu.
Auren Soyayya: Aure ne wanda yaro ke ganin yarinya ya ce yana sonta da aure, ita kuma ta amince, iyayenta ma su yarda da maganar, kana a yi haramar ɗaurin aure.
Auren Tilas: A nan, yaro yakan ga yarinya ne, ya ce yana son ta da aure, amma ba ta amince ba. Iyayenta kuma su zartar da hukunci, walau wasu na so, ko suna ƙi. Har ma akan ba da yarinya ga wanda yake sa’an mahaifinta ne, ko sa’an kakanta, alhali kuma ba ta so. Kuma akan nema wa yaro yarinya ba tare da yana so ba, saboda wata alaƙa ko yarjejeniya tsakanin iyayensu. Wannan ma auren tilas ne.
Auren Zumunta: Wannan aure ne wanda akan nema wa yaro yarinya daga cikin dangin uwa ko na uba, ba tare da an shawarci yarorn ko yarinyar ba. Irin wannan aure, ana yin sa ne don ƙara yauƙaƙa danƙon zumunta tsakanin ‘yan’uwa.
Auren Sadaka: Shi kuma aure ne da ake bayar da yarinya ga wani, saboda neman tubarraki, kamar irin sadakar da ake ba malamai, almajiransu, musamman idan yarinya ta girma bata sami manemi da wuri ba. Ana kuma yin auren sadaka don gudun kada ta jawo wa iyayenta abin kunya. Wani lokaci kuma idan mutum bai sami haihuwa da wuri ba, yakan yi alƙawarin cewa, zai ba da ita sadaka in ya samu. Yakan ba wani, ya ce, in ya sami ‘ya har ta rayu, zai yi sadaka da ita.
Auren Ɗiban Wuta: Bayan an saki mace saki uku, alhali kuwa matar tana son mijinta, shi ma yana son ta, dole sai ta auri wani mutum, kafin ta sami damar komawa ga mijinta na farko. To, auren nan da ta yi, da ƙudurin cewa za ta dawo wurin mijinta na da, wannan shi ne auren ɗiban wuta.
Auren Dangana-Sanda: Mutum yakan auri matar da ke zaune a gidan kanta; Sai ya zamana ba za ta iya tasowa ta zo gidansa ta zauna ba, saboda waɗansu dalilai. Haka shi ma ba zai iya zuwa gidanta ya zauna ba. Sai dai ya riƙa zuwa can gidanta yana kwana. Irin wannan aure, abinda ya sa ake kiran sa auren dangana-sanda, wai saboda maigida yana dangana sandarsa a bakin kofar dakinta ne, kana ya shiga ya kwana.
Auren Gayya: Idan matar mutum ta fita, alhali kuwa yana son ta, ya dai sake ta ne don ta addabe shi, to maza sai ya yi sauri ya yi wani aure kafin ya sake ta, ko kafin ta gama idda. Ba don komai zai yi wannan auren ba, sai don kurum ya fashe haushinsa, ko kuma don kada matar ta riga shi yin aure.
Auren Ɗiban Haushi: Ana kuma kiran sa auren ɗiban takaici, ko auren ɗiban tsiwa, ko na kece raini da kashin ƙwarnafi. Idan matar mutum ta dame shi da fitina, yakan tashi takanas ya je ya auri wata mace mai kyau ko dukiya ko asali ko addini, fiye da wadda ke gidansa, ko wadda ya saki. Ana yin wannan aure don kawai fashe haushi ko ɗebe takaici ko don a gusar da walakanci da raini da tsiwace ­tsiwace na ba gaira ba dalili.

AURE

Aure alaƙa ce ta haliccin zaman tare tsakanin namiji da mace. Ana yin sa ne saboda abin da aka haifa ya sami asali, da mutunci, da kiwon iyaye. Kuma shine maganin zina da ‘ya’ya marasa iyaye. Aure muhimmin abu ne ga al’umma. Saboda haka akwai hanyoyi ayyanannu na tabbatar da shi.
Idan yaro ko yarinya suka girma sai iyayensu su sa ransu su yi musu aure tun ransu bai yi halinsa ba.
Wani lokaci kuwa yaro ne yake ganin yarinya ya riƙa yi mata ‘yar kyauta har a gane yana son ta, sai a nemar masa ita, ko abokansa su faɗa wa iyayensa a gida cewa sun ga alamar Wane yana son Wance. Ko kuma a faɗa wa yarsa ko gwaggonsa, ko matan wansa, su kuma su isar da saƙon ga iyayensa.


   Aure,
    abune wanda ake yi tsakanin mace da namiji domin gudanarda wata sabuwar rayuwa tsakanin na miji da amce.
  Aure,
  abune wanda ake yinsa badan rabuwa da juna ba ko zama na dan wani lokaci shi aure anayinsane da niyar zama har abada tareda juna.